Бүгін аудан әкімінің орынбасары Ғазиз Байарыстан ауылдық округтерді аралап, елді мекендердегі санитарлық тазалық пен абаттандыру жұмыстарының барысын тексерді.
⠀
Аралау барысында алдымен Сұрат ауылдық округі, кейін Ақарал ауылдық округі, одан соң Сарымолдаев ауылдық округі қамтылды.
⠀
Ауылдарды аралау кезінде көшелердің, жол жиектерінің, қоғамдық орындардың, балалар ойын алаңдарының және әлеуметтік нысандар аумақтарының тазалығы назарға алынды.
⠀
Анықталған кемшіліктер бойынша жауапты тұлғаларға нақты тапсырмалар беріліп, ауыл аумақтарын тазалау, ретке келтіру және абаттандыру жұмыстарын күшейту тапсырылды.
⠀
Белгіленген жұмыстардың орындалу барысы екі күннен кейін қайта тексеріледі. Жауапты мекемелер мен ауылдық округ әкімдеріне тапсырмаларды сапалы әрі уақытылы орындау міндеттелді.
⠀
Тазалық пен абаттандыру жұмыстары тұрақты бақылауда болады.
