Қазақстан Республикасының жаңа Конституциясының жобасы – елдің құқықтық жүйесін жаңғыртып қана қоймай, ұлттық идеологияны жаңа деңгейге көтеретін тарихи шешім

Бұл құжатта адам құқықтары мен бостандықтары ең жоғарғы құндылық ретінде айқындалуы – азаматтық жауапкершілікті арттырып, заңға құрметті қалыптастырудың берік негізін қалайды.

Жаңа Конституция қоғамдағы келісім мен татулықты сақтауға, ұлттық бірлікті нығайтуға бағытталған идеологиялық бағдар ретінде қабылдануы тиіс. Сонымен қатар, білім, ғылым, мәдениет пен жастар тәрбиесі ел дамуының басты басымдықтары ретінде белгіленіп, өскелең ұрпақтың отансүйгіштік рухын күшейтуге жол ашады.