Аудан әкімі Ербол Жиенқұлов халықаралық және республикалық жарыстарда жоғары нәтижелер көрсетіп, жүлделі орындарға ие болған спортшыларды арнайы қабылдап, марапаттады. Қабылдау барысында аудан басшысы спортшылардың жетістіктерін аудан абыройын асқақтатқан үлкен табыс ретінде бағалап, олардың жеңістерінің жастарға үлгі болатынын атап өтті.
Павлодар қаласында өткен таэквондо спорт түрінен жарыста Әлмаханбет Кәусар Дулатқызы 49 келі салмақ дәрежесінде І орынды иеленсе, Кенжеғұл Жанайым Жеңісқызы 68 келі салмақта ІІ орынды жеңіп алды. Спортшылардың бұл жетістіктерінде олардың бапкері Шыңғыс Кеңестің де үлесі зор. Ол да осы саладағы сіңірген еңбегі үшін аудан әкімінің қолынан марапатқа ие болды.
Сонымен қатар, Абзал Тулыбеков 2025 жылдың 19-21 қыркүйек күндері АҚШ-тың Теннесси штаты Люйсберг қаласында өткен Жамбы ату спортынан Әлем чемпионатында күміс жүлдегер атанды. Оның жаттықтырушысы Елдос Бадашев та аудан әкімінің арнайы марапатына ие болды.
Аудан әкімі Ербол Жиенқұлов жеңімпаздарды құттықтап, оларға алдағы уақытта да толағай табыс, биік белестер мен жаңа жетістіктер тіледі. Сондай-ақ, жастардың спортқа деген қызығушылығын арттыру және саламатты өмір салтын насихаттау бағытындағы еңбектерін жоғары бағалап, спортшылардың табыстары жас буынның ынтасын арттыратынына сенім білдірді.
Бұл кездесу спорт саласында жетістікке жеткен жасөспірімдер мен олардың бапкерлеріне қолдау көрсетіп қана қоймай, аудан жастарын салауатты өмір салтына баулуға серпін беретін маңызды шара екені сөзсіз.
